ဗၠံက်မန် − မုက်လိက်မန်
နူကဵု စကၠောန်ကၠုၚ် ဘလံက်တုဲ
ဂွံတိုန်ကသပ်မွဲ သွက်ဂွံပကောံစွံလဝ် မုက်လိက်မန် − ဗၠံက်မန် − ၀က်ဆိုဒ်မန်တံရ။ ဂၠာဲပကောံပကေဝ်လဝ်တုဲ
ဟိုတ် နကဵုအခက်အခုဲနာနာသာ်တုဲ ဟွံဒှ်ပတိုန်စွံလဝ် ပ္ဍဲဗၠံက်ဇကုရ။ ဗၠံက်ကၠောန်လဝ်ပၠန်
ဟိုတ်နူချိက်လဝ်ကဵု (www.co.cc) တုဲ မွဲသၞာံပေၚ်အာဂှ် ဍေံပံက်ဟွံဂွံရ။ အကြာကြာဏံဂှ်လေဝ် ယှုက်ထုဲမံၚ်ကဵုကမၠောန်တုဲ
ဟွံဒှ်ကၠောန်ဗၠံက်တၟိမွဲရ။ အဃောအခိၚ်သၠးမွဲစုတ်ဂှ် ဝါသနာဇကုဂှ် က္တဵုဒှ်ကၠုၚ်ပၠန်တုဲ
ကလေၚ်ကၠောန်ပၠန်ရ။
ဝါသနာ ကဵု သ္ဇိုၚ်တဴဘဝ
အဃောအခိၚ်စချူကၠုၚ်ဗၠံက်ဝွံ
ဗၠံက်မန်ခိုဟ်ခိုဟ်ဗွဲမဂၠိုၚ် တိတ်ကၠုၚ်တၟာဂမၠိုၚ်ကီုလေဝ် အခိၚ်အခါလၟုဟ် မိက်ဂွံတီ
ကလေၚ်ဗဵုစမ်ရံၚ် ဗၠံက်တၟိ တိတ်ကၠုၚ်တၟာဟလိုၚ်ကီုဟာ၊ ဗၠံက်မုက်လိက်တြေံအလဵု သှေ်ဒၟံၚ်ဏီရော
ဂၠိုက်ဂၠာဲရံၚ်မ္ဂး ဗွဲမအောန်စိုတ်ဟေၚ် ဗၠံက်မန်အောန်စှေ်အာ တၟာဟလိုၚ်ဂှ် ဂွံဆဵုကေတ်ရ။
မုဟိုတ်ရော ယဝ်ရစမ်ၜတ်ရံၚ်မ္ဂး ဟိုတ်နူကဵု သ္ဇိုၚ်တဴဘဝဇကုဂှ် မဒှ်ကၠုၚ်
အဓိကရ။ ညးမကၠောန်ဗၠံက်ဗွဲမဂၠိုၚ်ဂှ် နကဵု ဝါသနာဇကုမွဲတၚ်ကီု၊ ဇကု မိက်ဂွံပတိုန်ထ္ၜးလညာတ်ကီု၊ မိက်ဂွံသၠာဲလညာတ်ကီု၊ မိက်ဂွံပံက်သြိုဟ်ကီု တၚ်မနွံဂၠိုၚ်ကဵု
သာ်ကီုလေဝ် ဟွံတဝ်စၞေဟ်သွက်သ္ဇိုၚ်တဴဘဝဇကုဟွံမာန်တုဲ ဗၠံက်မန်တံ အောန်စှေ်အာအိုတ်ရ။
အဓိကဂှ် ကမၠောန်ကၠောန်ဗၠံက်ဏံဝွံ ယဝ်ရဗပေၚ်ဗုၚ်ဂၞဴဇကုမာန်မ္ဂး ဝါသနာကဵု သ္ဇိုၚ်တဴဘဝဂှ်
အာမွဲစွံမာန်ကီုလေဝ် ဟွံဗပေၚ်ဗုၚ်ဂၞဴဟွံမာန်မ္ဂး ဒးပဲါစွံထောံလဝ် ဝါသနာဏောၚ်ရသွံ။
တၚ်အခက်အခုဲ ရဲချူမုက်လိက်ဗၠံက်
မုက်လိက်ဗၠံက်ဝွံ နူကဵု ဂူးဂဲပံက်လဝ်ကဵုအခေါၚ်
တၟာလံကီုလေဝ် ပ္ဍဲဍုၚ်ဗၟာဂှ် (၂၀၁၀) မှ နကဵု အလဵုအသဳတံ ကဵုတိုန်အခေါၚ်ဗၠးဗၠးၜးၜးတုဲ
ညးမပံက်မုက်ဗၠံက်တံ ဂၠိုၚ်တီကီုရ။ ဟိုတ်နူကဵု အလဵုအသဳမကဵုအခေါၚ်တုဲ ဗၠံက်မန်၊ ဗၟာ၊
ကရၚ်၊ သေံ၊ တိတ်ကၠုၚ်တၟာဟလိုၚ်ရ။ ဆဂးကီုလေဝ် ဗၠံက်မွဲမွဲ ဂွံဇိုၚ်တဴအာ ဍာ်သၠိၚ်အာဂှ်
တၚ်ဒးကဵုအခိၚ်၊ ကသပ်၊ လညာတ်၊ နိသောဲတံ ဍိုက်ပေၚ်မှ တန်တဴဗွဲမလံသွာမာန်ရ။ ဗၠံက်မန်လ္ရဵုဂှ်
ဆပံက်လဝ်ဗၠံက်ဟေၚ် နွံဒၟံၚ်ရ၊ လ္ရဵုဂှ် ချူဂွံလဝ် လိက်ပရေၚ်၊ ကဗျ ညိညိဇြိုၚ်သာတုဲ ဟွံဒှ်ဆက်ချူဂှ်လေဝ်
နွံတၟာဟလိုၚ်ကီုရ။ မုဒှ်ရော ဟီုတှေ် ကဵုအခိၚ်ဟွံမာန်ကီု၊ ဖအိုတ်သၠုဲခရိတ်အေန်တာနက်ဟွံမာန်လေဝ်
ဒှ်မာန်ကီုရ။
တၚ်မဒှ် အဓိကမွဲတၚ်ပၠန်
မၞိဟ်ကၠုၚ်ဝေၚ်ဗဵုဗၠံက် ယဝ်ရဂၠိုၚ်မံၚ်မ္ဂး မၞိဟ်ချူဗၠံက်လေဝ် မိပ်မံၚ်စိုတ်ရ၊ ဆက်တုဲ
နကဵု ရဲချူဗၠံက်မန်တံလေဝ် ယဝ်ရ အာစၠောံမံၚ်ညးသ္ကအ်တုဲ ကဵုမံၚ်ဇြဟတ်ညးသကအ်တှေ်လေဝ် သွက်အရၚ်ရဲ
ချူဗၠံက်မန်တံ ဂၠိုၚ်တိုန်မာန်ဏောၚ် အဲထေၚ်ခယျကေတ်ရ။
ကဵုဒှ်တသိုက်စိုတ် တသိုက်ကာယညိအဴ
ဗွဲမအဲပြဲ
buggy
0 comments:
Post a Comment